Riðlar Lengjubikarsins: Breiðablik og Völsungur saman í riðli

Á vef KSÍ hefur riðlaskipting og drög að niðurröðun leikja í Lengjubikarnum 2025 verið birt. Leikin er einföld umferð í riðlunum. Sigurvegarar riðlanna komast í úrslitakeppni mótsins og leika til undanúrslita.

Keppni í A-deild karla hefst í byrjun febrúar en hér að neðan má sjá hvernig riðlaskiptingin er í efstu tveimur deildum.

Breiðablik er ríkjandi Lengjubikarmeistari en liðið vann ÍA 4-1 í úrslitaleik á Kópavogsvelli í mars. Í riðli með Blikum á næsta ári verður meðal annars Völsungur sem endaði í öðru sæti 2. deildar á liðnu sumri og komst upp í Lengjudeildina.