Fotbolti.net
06.01.20 - 18:20
Ívan Guðjón Baldursson

Guðjón Ernir til ÍBV (Staðfest)

Guðjón Ernir til ÍBV (Staðfest)
Canon

Mynd: Hanna Símonardóttir

ÍBV er búið að styrkja hópinn sinn mikið eftir vonbrigðin á síðustu leiktíð. Guðjón Ernir Hrafnkelsson er nýjasta viðbótin við leikmannahóp Eyjamanna.
Guðjón Ernir er 19 ára gamall og getur leikið á hægri kanti og bakverði. Hann skrifar undir þriggja ára samning við ÍBV sem gildir út keppnistímabilið 2022.

Guðjón á 46 keppnisleiki að baki fyrir Hött/Hugin í 2. og 3. deild og hefur gert í þeim þrjú mörk.

Guðjón þykir mikið efni og var valinn í U19 ára landsliðið á dögunum ásamt Eyjamanninum Tómasi Bent Magnússyni, sem er frændi Guðjóns.

„Knattspyrnuráð karla er gríðarlega ánægt með að fá Guðjón til ÍBV. Guðjón er fluttur til Vestmannaeyja og tekur slaginn með okkur alla leið," segir meðal annars á vefsíðu ÍBV.

Heimild: ÍBV

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.