Kyle McLagan (Fram)
Kyle McLagan er gríðarlega mikilvægur fyrir Fram.
Fram trónir á toppi Lengjudeildarinnar með fullt hús stiga en liðið vann 4-0 sigur gegn Vestra í Safamýrinni í gær. Bandaríski miðvörðurinn Kyle McLagan í Fram er leikmaður umferðarinnar en hann var verulega öflugur í öftustu línu og skoraði auk þess eitt af mörkunum fjórum.
McLagan kom til Fram um mitt sumar í fyrra, frá FC Roskilde í Danmörku, og hefur reynst þeim bláu sannkallaður happafengur.
Rafn Markús Vilbergsson, sérfræðingur Fótbolta.net, telur að þessi 25 ára leikmaður sé besti varnarmaðurinn í Lengjudeildinni.
McLagan kom til Fram um mitt sumar í fyrra, frá FC Roskilde í Danmörku, og hefur reynst þeim bláu sannkallaður happafengur.
Rafn Markús Vilbergsson, sérfræðingur Fótbolta.net, telur að þessi 25 ára leikmaður sé besti varnarmaðurinn í Lengjudeildinni.
„Hann kom til liðsins í lok ágúst í fyrra og hefur verið mjög sterkur síðan. Frábær leikmaður; hann er ekta varnarmaður, líkamlega sterkur, mikill leiðtogi og góður á boltann. Eins og staðan er í dag, þá er hann besti varnarmaður deildarinnar. Þetta er leikmaður sem skiptir Framara miklu máli," sagði Rafn um McLagan í útvarpsþættinum á X977 á dögunum.
Sjá einnig:
Úrvalslið 5. umferðar í Lengjudeildinni
Kristófer Kristjánsson, blaðamaður á Morgunblaðinu og harður stuðningsmaður Fram, sér nánast hverja mínútu hjá þeim bláu og er skiljanlega hrifinn af McLagan.
„Kyle „Air Force 2“ McLagan kom til Fram um mitt tímabil í fyrra, hann er búinn að spila þrettán deildarleiki fyrir Safamýrarliðið og aðeins tapað einum. Varnarmaður eins og þeir gerast bestir; hávaxinn, nautsterkur, leiðtogi í öftustu línu og góður á boltanum, fullfær um að spila honum og byrja sóknarlotur liðsins," segir Kristófer.
„Framliðið hefur vakið verðskuldaða athygli fyrir vasklega framgöngu sína í sókn og nóg hefur verið ritað og rætt um mikilvægi Alberts Hafsteinssonar og Fred Saraiva í því samhengi. Það hrós er fyllilega verðskuldað, en takist liðinu að fara alla leið í sumar og upp í efstu deild, þá verður Bandaríkjamaðurinn ekki síður mærður í Safamýrinni. Sennilega besti varnarmaður deildarinnar í dag og ómetanlegur lykilmaður í Fram."
Leikmenn umferðarinnar í Lengjudeildinni:
4. umferð: Albert Hafsteinsson (Fram)
3. umferð: Gonzalo Zamorano (ÍBV)
2. umferð: Kristófer Óskar Óskarsson (Afturelding)
1. umferð: Pétur Theodór Árnason (Grótta)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
