„Þetta er geggjað, þegar hann flautar leikinn af og við tökum þrjú stig, æðisleg tilfinning ," sagði Ásgeir Þór Eiríksson, aðstoðarþjálfari ÍR, eftir 1-0 sigur liðsins á Grindavík í Inkasso-deild kvenna. Þetta var fyrsti sigur ÍR í deildinni í sumar.

Lestu um leikinn: ÍR 1 - 0 Grindavík.

Sjáðu viðtalið í heild sinni í spilaranum efst í fréttinni.

ÍR spilaði með þrjá miðverði og svo kantmenn/vængbakverði sem voru oftast nær hátt uppi á vellinum.

„Mér fannst þetta ganga vel, eiginlega alveg eins og við lögðum þetta upp. Við erum með frábæra miðverði sem gefur okkur þann kost að geta farið hátt með bakverðina. Eva var svo, eins og svo oft áður í sumar, mjög góð í markinu."

Ásgeir var að lokum spurður út í hvað hann, sem annar af þjálfurum liðsins, sæi í leik liðsins sem gæti hjálpað liðinu á komandi leiktíð þar sem ÍR mun leika í 2. deild.

„Karakterinn í liðinu, klárlega. Það hefur gengið upp og niður í sumar en alltaf er haldið áfram. Við höfum tapað þrem leikjum 1-0 á mörkum úr hornspyrnum. Karakterinn er klárlega eitthvað sem við getum byggt á í framhaldinu," sagði Ásgeir að lokum.

STUÐNINGSSVEIT
FÓTBOLTA.NET

Boltinn er að byrja aftur!

Íslenski og enski boltinn byrja aftur í júní.

Enginn fjölmiðill fjallar eins mikið um fótbolta og Fótbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit