Garry Monk er tekinn við Sheffield Wednesday eftir að hafa verið atvinnulaus síðan í sumar.
Monk er fertugur og hóf stjóraferilinn hjá Swansea City en hefur ekki tekist að haldast í sama stjórastarfinu lengur en eitt tímabil.
Hann hefur stýrt Leeds, Middlesbrough og Birmingham undanfarin ár og fær núna það verkefni að stýra Sheffield í rétta átt. Félagið hefur verið í stjóraleit síðan Steve Bruce sagði upp til að taka við Newcastle fyrr í sumar.
Sheffield er með níu stig eftir sex umferðir í Championship deildinni. Liðið er búið að tapa þremur af síðustu fjórum deildarleikjum sínum og á útileik gegn Huddersfield eftir landsleikjahlé.
Skiptar skoðanir eru hjá stuðningsmönnum Sheffield um þessa ráðningu eins og má sjá á ummælunum undir tilkynningunni á Twitter.
We are delighted to announce the appointment of Garry Monk as the club’s new manager.... Live press conference coming up! #swfcLIVE pic.twitter.com/BJxvHOxcGf
— Sheffield Wednesday (@swfc) September 6, 2019
Athugasemdir