Augnablik er komið úr fallsæti eftir góðan 2-0 sigur á ÍA í fallbaráttu Inkasso-deildar kvenna.
Birta Birgisdóttir skoraði í upphafi leiks og innsiglaði Hildur Lilja Ágústsdóttir sigurinn í uppbótartíma á 93. mínútu.
Augnablik er með átján stig þegar tvær umferðir eru eftir. ÍA er með sextán, einu stigi fyrir ofan fallsæti.
Augnablik 2 - 0 ÍA
1-0 Birta Birgisdóttir ('2)
2-0 Hildur Lilja Ágústdóttir ('93)
Fjölnir er einnig í fallhættu eftir 2-0 tap gegn Haukum. Staðan var markalaus fram að 77. mínútu þegar Vienna Behnke skoraði.
Heiða Rakel Guðmundsdóttir innsiglaði sigurinn fjórum mínútum síðar og kom Haukum upp í 3. sæti.
Fjölnir og ÍA eru jöfn á stigum fyrir ofan fallsvæðið.
Haukar 2 - 0 Fjölnir
1-0 Vienna Behnke ('77)
2-0 Heiða Rakel Guðmundsdóttir ('81)
Athugasemdir
