Liverpool er með sex stig eftir fjóra leiki og er klárlega í hættu á að komast ekki áfram í Meistaradeildinni. Liðið á eftir að fá Napoli í heimsókn og heimsækja PSG.

Tapið í kvöld var þriðja tap Liverpool í röð á útivelli í Meistaradeildinni. Þetta er í fyrsta sinn í sögu félagsins sem þetta gerist. Liverpool tapaði gegn Roma í seinni leik liðanna í undanúrslitum Meistaradeildarinnar á síðustu leiktíð, gegn Napoli fyrr á þessu tímabili og gegn Rauðu stjörnunni í kvöld.

Síðast þegar Liverpool tapaði ekki á útivelli í Meistaradeildinni var gegn Manchester City í 8-liða úrslitunum á síðustu leiktíð.

3 - Liverpool have lost three consecutive Champions League away games for the first time in their history. Sluggish. pic.twitter.com/LYMZXGZlbf

— OptaJoe (@OptaJoe) November 6, 2018