Fotbolti.net
06.12.17 - 10:30
Magnús Már Einarsson

Alexander Kostic og Steinar Örn í ÍR (Staðfest)

Alexander Kostic fagnar marki með ÍR árið 2016.

Alexander Kostic fagnar marki með ÍR árið 2016.

Canon

Mynd: Fótbolti.net - Einar Ásgeirsson

ÍR hefur fengið miðjumanninn Alexander Kostic í sínar raðir frá Gróttu á nýjan leik.

Alexander spilaði með ÍR frá 2012 til 2016 og hjálpaði liðinu upp um deild í fyrra áður en hann gekk í raðir Gróttu fyrir rúmu ári síðan. Alexander skoraði tvö mörk í 21 leik þegar Grótta féll úr Inkasso-deildinni í sumar.
ÍR hefur einnig gengið frá samningi við markvörðinn Steinar Örn Gunnarsson. Steinar var í láni hja ÍR frá uppeldisfélagi sínu Fjölni síðastliðið sumar en hann spilaði þá fjórtán leiki í Inkasso-deildinni.

Hinn 26 ára gamli Steinar hefur nú gengið frá varanlegum félagaskiptum yfir í ÍR en liðið endaði í 10. sæti í Inkasso-deildinni í sumar.

Alexander og Steinar skrifuðu báðir undir tveggja ára samninga. Penninn hefur verið á lofti í Breiðholti í vikunni því varnarmaðurinn Teitur Pétursson kom einnig til félagsins frá Kára.
Steinar Örn Gunnarsson.

Steinar Örn Gunnarsson.

Canon

Mynd: Fótbolti.net - Tomasz Kolodziejski

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.