Þróttur Vogum er búið að tryggja sér þjónustu Andra Hrafns Sigurðssonar sem hefur leikið fyrir Aftureldingu undanfarin sjö ár.
Andri Hrafn er 29 ára varnarmaður og á 129 keppnisleiki að baki fyrir meistaraflokk Aftureldingar.
„Knattspyrnudeild Þróttar er ánægt með þann hvalreka sem félaginu hefur borist í Andra og bindur félagið miklar vonir að Andri Hrafn sé einn af lykilmönnum sem þarf til að koma félaginu á hærri stall," segir í yfirlýsingu frá Þrótti.
Þróttur nældi sér í 33 stig úr 22 leikjum í 2. deildinni síðasta sumar en Afturelding vann deildina með 45 stig.
Úlfur Blandon þjálfari Þróttar og Andri Hrafn.
Athugasemdir
