Markið kom á 69. mínútu, Andy Carroll flikkaði boltanum afturfyrir sig og þar var Jonjo Shelvey einn á auðum sjó. Aðstoðardómarinn þessum megin vallarins lyfti flaggi sínu en dómari leiksins leyfði Shelvey að halda áfram.

Enginn reyndi að elta Shelvey og skoraði hann framhjá Dean Henderson í marki Sheffield. Dómari leiksins flautaði í kjölfarið og dæmdi markið af. VAR leiðrétti svo mistökin og markið stóð.

„Það var sagt við okkur í upphafi leiktíðar að aðstoðarmaðurinn muni ekki lyfta upp flagginu. Hann setti flaggið upp, allir stoppuðu," sagði svekktur Wilder.

„Leikurinn hefur breyst frá þeim leik sem ég er vanur því að upplifa. Með einum hjartslætti hefur leikurinn breyst og ég veit ekki hvert þetta stefnir. Þetta sýgur lífið úr mér og stuðningsmönnum," sagði Wilder um VAR.

Sjá einnig:
Bruce um seinna markið: Hefði mátt halda flagginu niðri - Vel gert Jonjo