England um helgina - Borgarslagur í Manchester

16. umferðin í ensku úrvalsdeildinni fer fram um helgina og á mánudag. Fimm leikir fara fram á laugardag, fjórir á sunnudag og umferðinni lýkur svo á mánudag.

Everton mætir Chelsea í hádegisleiknum á laugardag. Chelsea hafði fyrir síðustu umferð tapað tveimur deildarleikjum í röð en sneri genginu við með heimasigri á Aston Villa. Everton hefur farið illa af stað og situr í fallsæti.

Þrír leikir fara fram klukkan 15:00 og nánar verður hitað upp fyrir þá að morgni leikdags. Klukkan 17:30 fer fram stórleikur umferðarinnar þegar Manchester United kíkir í heimsókn á Etihad, heimavöll Manchester City. City lék vel gegn Burnley í vikunni og United stöðvaði sigurgöngu Jose Mourinho með Totteham, áhugaverð viðureign framundan.

Nánar verður hitað upp fyrir leiki sunnudagsins og lokaleikinn, sem fram fer á mánudag, að morgni leikdags.