Súður-Kórea féll úr leik á HM í Katar í gær eftir 4-1 tap gegn Brasilíu.
Liðið stóð sig hrikalega vel í riðlakeppninni þar sem liðið komst áfram í 16-liða úrslitin á kostnað Úrúgvæ þar sem liðið vann Portúgal í lokaumferðinni á dramatískan hátt.
Paulo Bento tilkynnti á fréttamannafundi eftir leikinn að hann myndi ekki skrifa undir nýjan samning við Suður kóreska sambandið en hann tilkynnti leikmönnum og forseta sambandsins það einnig eftir leikinn.
Hann hafði verið búinn að ákveða þetta í september.
Portúgalinn Bento mun nú taka sér frí frá þjálfun í einhvern tíma og hugsa næstu skref.
Athugasemdir