Japanski landsliðsmaðurinn Ritsu Doan segir að sigrarnir gegn Þýskalandi og Spáni í riðlakeppni HM í Katar skipti engu máli eftir að liðið féll úr leik gegn Króatíu eftir vítaspyrnukeppni í 16-liða úrslitum í gær.
Hann var spurður út í það magnaða afrek eftir leikinn í gær.
„Ég bjóst við því að einhver myndi segja þetta ef við myndum tapa, en til að vera hreinskilinn þá þýðir það ekkert. Sama hversu mikið við börðumst í dag þá breyttum við ekki sögunni," sagði Doan sem skoraði bæði gegn Þjóðverjum og Spánverjum.
Japan komst yfir gegn Króatíu en Ivan Perisic tryggði Króötum í framlengingu, ekkert mark var skorað í henni svo grípa þurfti til vítaspyrnukeppni. Þar fór Dominik Livakovic, markvörður króatíska liðsins hamförum og varði þrjár spyrnur og tryggði þeim áfram.
