07.01.16 - 17:30
Elvar Geir Magnússon
Miðar ekki seldir fyrir utan vellina á EM
Auglýsing
Ómar Smárason, fjölmiðlafulltrúi KSÍ.
Mynd: Fótbolti.net - Hafliði Breiðfjörð
Ómar Smárason, fjölmiðlafulltrúi KSÍ.
Mynd: Fótbolti.net - Hafliði Breiðfjörð
Fótboltaáhugafólk sem er að íhuga að skella sér á Evrópumótið í Frakklandi getur ekki drollað við hlutina. Það verður að sækja um miða fyrir 18. janúar gegnum miðasölu UEFA á netinu.
„Það er heilt yfir búið að sækja um 2.500 miða á hvern af leikjunum þremur í riðlakeppninni. Þetta er form á miðasölu sem okkar stuðningsmenn hafa ekki kynnst áður en frestunin er til 18. janúar og menn kannski að vanda sig í að skipuleggja ferðina. Ég neita því ekki að við vonumst til að það verði talsvert fleiri Íslendingar á leikjunum því að í dag er þetta talsvert langt frá þeim kvóta sem Íslandi var úthlutað,\" segir Ómar Smárason, fjölmiðlafulltrúi KSÍ.
Einhverjir stuðningsmenn halda að þeir þurfi ekkert að taka ákvörðun strax um hvort þeir ætli til Frakklands og halda að miðasala verði fyrir utan leikvangana. Það er einfaldlega ekki rétt.
„Það er ekki hægt. Það verða engir miðar seldir fyrir utan vellina á EM. Allir miðarnir verða seldir á netinu gegnum miðasölu UEFA. Fólk þarf að sækja um miða fyrir 18. janúar. Það er svo einfalt,\" segir Ómar en viðtalið við hann má heyra í spilaranum hér að ofan.
Einhverjir stuðningsmenn halda að þeir þurfi ekkert að taka ákvörðun strax um hvort þeir ætli til Frakklands og halda að miðasala verði fyrir utan leikvangana. Það er einfaldlega ekki rétt.
„Það er ekki hægt. Það verða engir miðar seldir fyrir utan vellina á EM. Allir miðarnir verða seldir á netinu gegnum miðasölu UEFA. Fólk þarf að sækja um miða fyrir 18. janúar. Það er svo einfalt,\" segir Ómar en viðtalið við hann má heyra í spilaranum hér að ofan.
