Landsliðsmaður Úganda myrtur

David Owori, sem var landsliðsmaður Úganda, lést af sárum sínum eftir að ráðist var á hann af þjófum sem ætluðu að stela af honum farsíma og fleiru.

Owori veitti þjófunum mótspyrnu og þá var ráðist á hann. Einstaklingur sem átti leið hjá fann hann meðvitundarlausan og kom honum á sjúkrahús.

Þaðan var hann fluttur á annað sjúkrahús þar sem hann var síðar úrskurðaður látinn. Vitni segja árásarmennina hafa slegið Owori með gangstéttarhellum.