Raphael Varane, varnarmaður Real Madrid, verður seldur frá félaginu ef hann skrifar ekki undir nýjan samning.
Real veit að það verður erfitt að fylla í hans skarð en félagið vill ekki missa leikmanninn frítt á næsta ári.
Varane, sem verður 28 ára á næstunni, kom til Real árið 2011 og hefur spilað í hjarta varnarinnar með Sergio Ramos. Saman hafa þeir unnið fullt af titlum.
Samningur hans rennur út á næsta ári og því hefur Real sagt leikmanninum það að ekki sé í boði að hann verði hjá Real á næsta ári, án þess að framlengja núverandi samning.
Félagið hefur mikið verið orðað við Kylian Mbappe og Erling Braut Haaland. Ljóst er að ef Varane verður seldur í sumar þá koma inn aurar fyrir annan af þessum tveimur frábæru leikmönnum.
Athugasemdir