Bayern með tveggja marka forystu á Bernabeu - Átti Real að fá víti?

Kólumbíumaðurinn Luis Díaz skoraði fyrra markið á 41. mínútu eftir frábæra stungusendingu Serge Gnabry.

Þetta var 23. mark Díaz á tímabilinu en Bæjarar hafa átt betri færi til þessa. Dayot Upamecano var nálægt því að skora snemma leiks en besta færi Madrídinga átti Kylian Mbappe sem Manuel Neuer varði út í teiginn.

Snemma í síðari hálfleiknum bætti Harry Kane við öðru. Bayern vann boltann á miðsvæðinu og honum síðan komið á hægri vænginn á Michael Olise sem lagði hann til hliðar á Kane sem skoraði með frábæru skoti neðst í hægra hornið. Þetta var 28. stoðsendingar Olise á tímabilinu og 49. mark Kane í öllum keppnum.

Sjáðu markið hjá Díaz
Sjáðu markið hjá Kane

Madrídingar vildu fá vítaspyrnu undir lok fyrri hálfleiks er Vini Jr féll í teignum eftir að Upamecano setti löppina út en fékk ekkert fyrir sinn snúð.

Sjáðu umdeilda atvikið hér