Alltaf gaman að vinna KR
Guðmundur Andri Tryggvason.
„Þetta er geggjað, það er alltaf gaman að vinna KR," sagði uppaldi KR-ingurinn, Guðmundur Andri Tryggvason, eftir 5-0 sigur Vals á KR í Bestu deildinni í kvöld.
Guðmundur Andri átti góðan leik og skoraði eitt virkilega flott mark í fyrri hálfleiknum.
Guðmundur Andri átti góðan leik og skoraði eitt virkilega flott mark í fyrri hálfleiknum.
Lestu um leikinn: Valur 5 - 0 KR
„Við mættum þeim með baráttu og svo skinu gæðin í gegn í mörkunum," sagði hann um lykilinn að þessum góða sigri.
„Ég var svolítið heppinn að fá hann aftur í markinu og var fljótur að hugsa. Það var smá heppni í þessu en gaman."
Er extra sætt fyrir hann sem uppalinn KR-ing að vinna þennan sigur? „Nei, ekkert þannig. Það er alltaf gaman að vinna og hvað þá svona sannfærandi. Það er bara alltaf gaman að vinna."
Hann er virkilega sáttur með byrjunina hjá liðinu í mótinu. Það vakti athygli fyrir leik að hann var ekki í byrjunarliðinu á skýrslunni en því var svo breytt fyrir leik. Lúkas Logi Heimisson var í upprunalegu byrjunarliði.
„Byrjunarliðið var tilkynnt í gær og búningastjórinn okkar var bara með smá skitu," sagði Guðmundur Andri léttur að lokum.
Athugasemdir
