Heimsmeistarinn Djibril Sidibe er kominn til Everton á láni frá Mónakó.
Everton mun hafa forkaupsrétt á bakverðinum sem var hluti af liði Frakklands sem varð Heimsmeistari á síðasta ári.
Hann er sjötti leikmaðurinn sem gengur í raðir Everton í sumar. Áður hafði Everton fengið markvörðinn Jonas Lössl, miðjumennina Andre Gomes, Fabian Delph og Jean-Philippe Gbamin, og sóknarmanninn Moise Kean.
Hjá Everton verður hinn 27 ára gamli Sidibe liðsfélagi Gylfa Þórs Sigurðarssonar.
Everton hefur leik í ensku úrvalsdeildinni á laugardag gegn Crystal Palace á útivelli.
Sjá einnig:
Spáin fyrir enska - 7. sæti
Athugasemdir
