Watford hefur staðfest kaup á sóknarmanninum Danny Welbeck sem kemur á frjálsri sölu eftir að Arsenal lét hann fara.

Welbeck er 29 ára gamall, fyrrum sóknarmaður Manchester United, en hann ökklabrotnaði illa í nóvember í fyrra og var í kjölfarið frá keppni út tímabilið.

Watford hafnaði í 11. sæti ensku úrvalsdeildarinnar á síðasta tímabili og verður fróðlegt að sjá hvort Welbeck nái að hjálpa liðinu að komast ofar.