Hemmi Hreiðars: Það er alltaf jafn ógeðslegt

Eyjamenn hafa verið á góðu róli fyrir þennan leik og voru búnir að taka sjö stig úr síðustu þremur leikjum sínum fyrir hann.

„Það er búið að vera flottur taktur í okkur og frammistaðan í síðustu fimm, sex og sjö leikjum hefur verið frábær, nánast geggjuð. Við vorum ekki alveg 'on' í dag. Þeir voru sterkari, unnu okkur í baráttunni og vorum með meiri gæði."

„Við fengum fullt af færum og skoruðum tvö mörk sem voru dæmd af, en í heildina fannst mér við aðeins 'off'. Við erum búnir að vera hrikalega sáttir. Maður fyrirgefur svona 'one off' leik."

Andri Rúnar Bjarnason hefur byrjað síðustu leiki á bekknum og þannig var raunin líka í dag. Í fremstu víglínu voru Arnar Breki Gunnarsson og Halldór Jón Sigurður Þórðarson.

„Við erum að skoða það. Hann er búinn að vera í alls konar meiðslum og er að komast á skrið. Það styttist alltaf í að hann verði alveg klár í að byrja fótboltaleiki," sagði Hermann.

Hér að ofan má sjá viðtalið í heild sinni.