Hildur Karítas Gunnarsdóttir.
Hildur Karítas Gunnarsdóttir, lykilleikmaður í liði Aftureldingar, er með slitið krossband og spilar ekki meira á þessu ári.
Þetta staðfestir hún í samtali við Fótbolta.net en hún er á leið í aðgerð.
Þetta staðfestir hún í samtali við Fótbolta.net en hún er á leið í aðgerð.
Þetta er mikið högg fyrir Aftureldingu sem er í baráttu um annað sæti í Lengjudeildinni. Hildur Karítas er einn mikilvægasti leikmaður liðsins.
Hildur Karítas hefur í sumar spilað ellefu leiki í Lengjudeildinni og skorað í þeim fjögur mörk.
Afturelding er sem stendur í fjórða sæti Lengjudeildarinnar, einu stigi frá öðru sætinu. Það eru fimm leikir eftir í deildinni. Næsti leikur Aftureldingar er gegn Fram næstkomandi föstudagskvöld.
Athugasemdir
