Á morgun fara fram fimm leikir í Lengjudeildinni. Það er gífurlega mikil spenna á toppi deildarinnar en það munar aðeins þremur stigum á 1. sætinu og niður í 6. sætið.
Einn stærsti leikurinn á morgun er án efa Fjölnir-Afturelding. Þessi leikur er gífurlega mikilvægur fyrir bæði lið sem eru í harðri toppbaráttu og eiga mjög góðan möguleika á því að vinna deildina.
Fjölnismenn hafa ekki unnið í 7 leikjum. Seinasti sigurinn þeirra kom 18. júlí þegar þeir unnu 5-1 sigur á Grindavík.
Aftureldinga hins vegar hefur unnið fjóra leiki í röð og eru á bullandi siglingu. Í fyrra byrjuðu Mosfellingar tímabilið frábærlega en eftir lélegan endi á tímabilinu misstu þeir toppsætið. Núna eru þeir svo sannarlega að toppa á réttum tíma. En mun það nægja?
„Það eru helvítis sögulínur þarna. Horfum bara á seinasta tímabil; Úlli fer í þetta fræga viðtal, eyðileggur sumarið fyrir Aftureldingu og núna er hann sömu stöðu og er að fara í leik á móti Aftureldingu. Þetta verður einhver æsingur.“ sagði Guðmundur Aðalsteinn Ásgeirsson í Útvarpsþættinum Fótbolti.net um leikinn.
„Ætli það sé hægt að mótivera Aftureldingu eitthvað meira fyrir þennan leik?“ bætti Sæbjörn Þór Steinke síðan við.
Afturelding eru tveimur stigum á eftir ÍBV og eiga eftir Fjölni og ÍR en Eyjamenn eiga eftir Grindavík og Leikni. Sæbjörn sér samt ekki ÍBV klúðra forystunni niður.
„Mín tilfinning er að þeir (Afturelding) geti gert það en eins og staðan er þurfa ÍBV þá að klúðra þessu.“
Afturelding fór ekki vel af stað í deildinni en spiluðu þó fínan fótbolta og voru oft betri aðilinn.
„Þetta Aftureldingarlið er mjög áhugavert. Þeir eru yfirleitt betri aðilinn í leikjunum en ná ekki alltaf í úrslitin sem þeir vilja. Klaufar varnarlega stundum.“ sagði Guðmundur um Aftureldingu.
Aðrir leikir sem skipta máli í deildinni á morgun er ÍBV - Grindavík í Vestmannaeyjum en þar geta Eyjamenn verið skrefi nær Bestu deildinni með sigri.
ÍR-ingar fá Gróttu í heimsókn þar sem Grótta þarf að vinna til að eiga séns á að halda sér uppi og vonast til þess að Þór tapi heima gegn Dalvík/Reyni.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍBV | 22 | 11 | 6 | 5 | 50 - 27 | +23 | 39 |
| 2. Keflavík | 22 | 10 | 8 | 4 | 37 - 24 | +13 | 38 |
| 3. Fjölnir | 22 | 10 | 7 | 5 | 34 - 28 | +6 | 37 |
| 4. Afturelding | 22 | 11 | 3 | 8 | 39 - 36 | +3 | 36 |
| 5. ÍR | 22 | 9 | 8 | 5 | 30 - 28 | +2 | 35 |
| 6. Njarðvík | 22 | 8 | 9 | 5 | 34 - 29 | +5 | 33 |
| 7. Þróttur R. | 22 | 8 | 6 | 8 | 37 - 31 | +6 | 30 |
| 8. Leiknir R. | 22 | 8 | 4 | 10 | 33 - 34 | -1 | 28 |
| 9. Grindavík | 22 | 6 | 8 | 8 | 40 - 46 | -6 | 26 |
| 10. Þór | 22 | 6 | 8 | 8 | 32 - 38 | -6 | 26 |
| 11. Grótta | 22 | 4 | 4 | 14 | 31 - 50 | -19 | 16 |
| 12. Dalvík/Reynir | 22 | 2 | 7 | 13 | 23 - 49 | -26 | 13 |
