Ísland í dag - Þróttur mætir botnliðinu og úrslitaleikur í 5. deild

Það er einn leikur á dagskrá í Bestu deild kvenna þegar Þróttur R. fær botnlið FHL í heimsókn, en Austfirðingar eru aðeins komnar með 3 stig eftir 15 leiki.

Þróttur er sex stigum á eftir FH sem situr í öðru sæti, með leik til góða, og á því enn góða möguleika á öðru sætinu.

ÍH og Selfoss eigast við í toppslag 2. deildar kvenna en leikurinn er þýðingarlítill eftir að Selfyssingar tryggðu sér titilinn í síðustu umferð.

Í 3. deild karla eigast Árbær og Sindri við, þar sem gestirnir frá Höfn í Hornafirði eru í mikilli fallbaráttu á meðan Árbæingar sigla lygnan sjó um miðja deild.

Að lokum er úrslitaleikur í 5. deild karla þar sem Álafoss tekur á móti Úlfunum. Heimamenn í liði Álafoss eru einu marki yfir eftir fyrri leikinn á útivelli.

Besta-deild kvenna
14:00 Þróttur R.-FHL (AVIS völlurinn)

2. deild kvenna - A úrslit
16:00 Völsungur-Fjölnir (PCC völlurinn Húsavík)
16:00 ÍH-Selfoss (Skessan)

2. deild kvenna - B úrslit
14:00 Álftanes-Dalvík/Reynir (Samsungvöllurinn)

3. deild karla
14:00 Árbær-Sindri (Domusnovavöllurinn)

5. deild karla - úrslitakeppni
18:30 Álafoss-Úlfarnir (Malbikstöðin að Varmá)

Utandeild
15:00 Neisti D.-Einherji (Djúpavogsvöllur)