Fotbolti.net
07.10.16 - 15:03
Guðmundur Aðalsteinn Ásgeirsson

Siggi Raggi hættur hjá Lilleström (Staðfest)

Sigurður Ragnar mun róa á önnur mið

Sigurður Ragnar mun róa á önnur mið

Canon

Mynd: Fótbolti.net - Hafliði Breiðfjörð

Sig­urður Ragn­ar Eyj­ólfs­son hef­ur lokið störf­um sem aðstoðarþjálf­ari hjá Lilleström, sem leikur í úrvalsdeildinni í Noregi, en hann hef­ur kom­ist að sam­komu­lagi um starfs­loka­samn­ing við fé­lagið.

Rúnar Kristinsson var í síðasta mánuði látinn taka pokann sinn sem aðalþjálfari Lillestöm og nú hefur Sigurður Ragnar fylgt í fótspor hans. Samkvæmt heimildum mbl.is vildi Lilleström halda Sig­urði, en það var hans ákvörðun að óska eftir starfslokum.
„Ég hef átt ynd­is­leg­an tíma hér í Lilleström en í kjöl­far þjálf­ara­breyt­inga hjá fé­lag­inu fannst mér rétt að fela öðrum manni að taka við starf­inu,“ segir Sigurður Ragnar við heimasíðu Lilleström, en hann og Rúnar Kristinsson tóku við þjálfun Lilleström fyrir síðasta tímabil.

Það er spurning hvað gerist núna hjá Sigurði, hvort hann komi heim eða haldi áfram að þjálfa erlendis. Líklegt þykir að kollegi hans, Rúnar Kristinsson, muni taka við KR-ingum á nýjan leik, en samkvæmt slúðurpakka númer 2 sem kom út nú fyrir stuttu, þá fundaði Rúnar með Vesturbæingum í vikunni.

Arne Erlandsen tók við þjálf­un Lilleström af Rún­ari, en liðið í bullandi fall­hættu í norsku úrvalsdeildinni. Lilleström er í næstneðsta sæti deild­ar­inn­ar þegar fjór­um um­ferðum er ólokið, en stutt er í liðin í sæt­un­um fyr­ir ofan.

Heimild: Heimasíða Lilleström

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.