Fotbolti.net
07.10.18 - 23:06
Guðmundur Aðalsteinn Ásgeirsson

Gylfi tróð sokk í greinarhöfund staðarblaðsins í Leicester

Gylfi tróð sokk í greinarhöfund staðarblaðsins í Leicester
Canon

Mynd: Getty Images

Gylfi Þór Sigurðsson skoraði eitt af mörkum tímabilsins þegar hann tryggði Everton sigur gegn Leicester í ensku úrvalsdeildinni í gær.
Gylfi tók frábæran snúning og smellhitti boltann langt utan af velli.

„Þeir voru mjög varnarsinnaðir og það var erfitt að brjóta þá niður. Um leið og ég sá tækifæri til að skjóta hugsaði ég með mér 'hví ekki?' og sem betur fer fór boltinn í netið," sagði Gylfi eftir leikinn.

„Þetta er klárlega eitt af mínum bestu mörkum. Það kom á mjög mikilvægum tíma og ég er verulega ánægður með þetta mark."

Markið er hægt að sjá með að smella hér.

Daginn fyrir leikinn var skrifuð grein um Gylfa í staðarblaðinu í Leicester, Leicester Mercury þar sem var fjallað var um það að Leicester hefði haft heppnina með sér að sleppa við að borga 45 milljónir punda fyrir Gylfa. Það var verðið sem Everton borgaði fyrir íslenska miðjumanninn en Leicester reyndi líka að fá hann og bauð mest 40 milljónir punda.

Talað er um það í greininni að Gylfi hafi ekki skilað því sem ætlast var af honum á síðasta tímabili en að hann sé aðeins farinn að hressast núna á þessu tímabili.

Leicester keypti James Maddison frá Norwich á helmingi lægri upphæð en Gylfi kostaði. Maddison hefur reynst Leicester vel og er góður leikmaður en Gylfi sýndi það í gær að hann er leikmaður stútfullur af gæðum og það var alls engin heppni fyrir Leicester að sleppa við það að borga fyrir hann. Gylfi tróð góðum sokk ef svo má að orði komast.


Gylfi fékk hrós frá mönnum eins og John Hartson og Gary Lineker í gær. Ekki amalegt.



Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.