Spænska blaðið Marca sakar Gerard Pique, varnarmann Barcelona, um að hafa nælt sér viljandi í gult spjald í 4-0 sigrinum á Sevilla í gærkvöldi.
Pique var með fjögur gul spjöld á tímabilinu fyrir leikinn í gær en leikmenn fara í eins leiks bann þegar fimmta spjaldið fer á loft.
Spænski varnarmaðurinn nældi sér í spjald fyrir að sparka boltanum af velli er staðan var 4-0 fyrir Barcelona. Þetta þýðir það að Pique spilar ekki næsta leik eftir landsleikjahlé með Börsungum en mætir svo ferskur gegn Real Madrid í El Clasico.
Marca segir að Pique hafi gert þetta viljandi til að eiga ekki í hættu á að missa af stórleiknum en Sergio Ramos, varnarmaður Real Madrid, fékk tveggja leikja bann fyrir að næla sér viljandi í spjald gegn Ajax í 16-liða úrslitum Meistaradeildarinnar á síðsata tímabili.
#Pique 🇪🇸 with his anti football getting his 5th yellow card. Expected it. #BarcaSevillaFC pic.twitter.com/DdhqLBBAt7
— Cant del Barça (@BarcaBooster) October 6, 2019
Athugasemdir