Joao Palhinha leikmaður Fulham er undir smásjá Bayern Munchen en þýska félagið reyndi að fá hann í sumar.
Þessi 28 ára gamli Brasilíumaður var við það að ganga til liðs við Bayern í sumar en Fulham lokaði á félagaskiptin á síðustu stundu.
Hann gekk til liðs við Fulham fyrir einu og hálfu ári síðan frá Sporting og hefur leikið 54 leiki og skorað 6 mörk.
Palhinha var til viðtals hjá DAZN þar sem hann var spurður út í möguleikann að fara til Bayern í janúar.
"Þetta er ekkert að rugla í hausnum á mér, ég er rólegur. Ég er ekki að hugsa mikið um hvað kemur næst. Þetta er mikilvægur mánuður fyrir Fulham og fyrir mig líka. Hvað sem þarf að gerast í janúar, mun gerast," sagði Palhinha.
Athugasemdir
