Stefán, Davíð og Brynjar í HK (Staðfest)

Stefán Jóhann kemur aftur til HK eftir að hafa leikið með Leikni í fyrstu deildinni í fyrra. Brynjar og Davíð eru aftur á móti báðir að hefja leik með HK á nýjan leik eftir að hafa leikið með varaliði félagsins Ými síðastliðið sumar.

,,Ég er gríðarlega ánægður með að endurheimta þessa þrjá sterku og uppöldu HK-inga, og að Leifur skyldi framlengja við félagið,\" sagði Gunnlaugur Jónsson þjálfari HK á vef félagsins.

,,Það er mikil vigt í öllum þessum strákum, þeir styrkja liðið mikið, og við fáum dýrmæta reynslu inní hópinn sem mun koma okkur vel í sumar.\"

Þeir Stefán, Davíð og Brynjar léku allir saman með HK, frá yngstu flokkum og uppí meistaraflokk, og tóku allir þátt í að fara með félaginu uppí úrvalsdeildina í fyrsta skipti, og spiluðu allir þar. Samtals hafa þeir þrír leikið 445 meistaraflokksleiki með félaginu.