sun 08. mars 2020 19:44
Guðmundur Aðalsteinn Ásgeirsson
Lengjubikar kvenna: Katrín gerði fjögur í sigri KR
Katrín gerði fernu fyrir KR-inga.
Katrín gerði fernu fyrir KR-inga.
Mynd: Fótbolti.net - Hafliði Breiðfjörð
Katrín Ásbjörnsdóttir fór á kostum þegar KR vann 7-2 sigur á Þrótti Reykjavík í B-deild kvenna í Lengjubikarnum. Leikið var í Egilshöll.

Katrín kom til KR frá Stjörnunni í nóvember síðastliðnum. Hún lék ekki síðasta sumar eftir að hafa eignast barn í maí. Í dag skoraði hún fernu í 7-2 sigri KR-inga.

Þetta var fyrsti leikur liðanna í Lengjubikarnum. FH, Keflavík, ÍBV og Víkingur R. leika einnig í B-deild Lengjubikarsins.

Í C-deild kvenna fara Haukar af stað með krafti. Haukar unnu 3-0 sigur á HK í leik sem fram fór í Skessunni í Hafnarfirði. Elín Björg Símonardóttir, fædd 2003, og Berglind Þrastardóttir, fædd 2004, gerðu mörk Hauka í leiknum.

Haukar eru með þrjú stig í riðlinum eins og Grótta, sem vann 7-2 sigur á Fjölni síðasta fimmtudag. Einnig eru Grindavík og Leiknir R. í þessum riðli.

B-deild
KR 7 - 2 Þróttur R.

1-0 Katrín Ásbjörnsdóttir ('31)
2-0 Þórdís Hrönn Sigfúsdóttir ('40)
3-0 Katrín Ásbjörnsdóttir ('49)
4-0 Katrín Ásbjörnsdóttir ('51)
5-0 Katrín Ásbjörnsdóttir ('60)
6-0 Inga Laufey Ágústsdóttir ('64)
6-1 Andrea Rut Bjarnadóttir ('69)
7-1 Hildur Björg Kristjánsdóttir ('79)
7-2 Ólöf Sigríður Kristinsdóttir ('90)

C-deild, Riðill 1
HK 0 - 3 Haukar

0-1 Elín Björg Símonardóttir ('35)
0-2 Elín Björg Símonardóttir ('40)
0-3 Berglind Þrastardóttir ('80)
Athugasemdir
banner
banner
banner
banner