Fotbolti.net
08.05.19 - 12:56
Elvar Geir Magnússon

Fjórtán ára strákur ein af hetjunum í sigri Liverpool

Trent Alexander-Arnold og Cannonier.

Trent Alexander-Arnold og Cannonier.

Canon

Mynd: Twitter

Oakley Cannonier, fjórtán ára boltastrákur, hefur verið hylltur sem hetja eftir hans framlag í 4-0 sigri Liverpool gegn Barcelona í gær.

Liverpool vann einvígið samtals 4-3 í undanúrslitum Meistaradeildarinnar og verður í úrslitaleiknum í Madríd þann 1. júní.
Amma Cannonier litla segir við enska fjölmiðla að strákurinn sé að springa af stolti eftir allt það hrós sem hann hefur fengið frá stuðningsmönnum Liverpool á samfélagsmiðlum.

Graeme Souness er meðal þeirra sem hefur hrósað Cannonier en hann kallar eftir því að strákurinn fái miða á úrslitaleikinn og ársmiða frá Liverpool.

Cannonier var fljótur að láta Trent Alexander-Arnold fá boltann í aðdragandanum að fjórða marki Liverpool í gær. Alexander-Arnold tók snöggt horn á meðan leikmenn Barcelona voru ekki viðbúnir og úr því kom markið sem réði úrslitum í einvíginu.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.