Jóhann Berg Guðmundsson skoraði eina mark leiksins þegar að Ísland sigraði Albaníu á Laugardalsvelli í dag. Hægt er að sjá markið á vefsíðu RÚV hérna.
„Það var markmið okkar að ná í þessi þrjú stig í dag. Þetta var kannski ekkert fallegt en það er það ekki alltaf í fótbolta." sagði Jói Berg eftir leikinn.
„Það var markmið okkar að ná í þessi þrjú stig í dag. Þetta var kannski ekkert fallegt en það er það ekki alltaf í fótbolta." sagði Jói Berg eftir leikinn.
Lestu um leikinn: Ísland 1 - 0 Albanía
Leikurinn var frekar lokaður og var lítið um opin marktækifæri en vörn Íslands stóð vaktina vel.
„Auðvitað er maður ekkert rólegur í stöðunni 1-0 en mér fannst þeir ekkert vera að skapa sér nein svaka færi. Nokkrar fyrirgjafir en Hannes þurfti ekkert að gera mikið í dag."
Jóhann Berg var valinn maður leiksins af Fótbolta.net í dag en hann þurfti að fara af velli snemma í seinni hálfleik. Hann hefur verið að glíma við meiðsli undanfarið og var ekki tilbúinn í 90 mínútur í dag.
„Ég er ekki í nógu góðu standi sem að er frekar þreytt. En ég byrjaði þennan leik í dag og náði að spila 55 mínútur og vonandi næ ég einhverju svipuðu á þriðjudaginn (gegn Tyrklandi). En auðvitað væri maður til í að vera í betra standi." hafði Jóhann Berg um málið að segja.
Nánar er rætt við Jóhann Berg í spilaranum að ofan.
Athugasemdir