Sindri Kristinn Ólafsson
„Það var mjög gott að sækja stigið en það sást á leik okkar í seinni hálfleik að við vildum vinna þetta en náttúrlega hræðilegur varnarleikur og markvarsla í fyrri hálfleik sem orsakar þetta. Við erum ekki lið sem á að fá á sig fjögur mörk og hvað þá á þrjátíu mínútum eða svo.“
Sagði Sindri Kristinn Ólafsson markvörður Keflavíkur um leikinn eftir stórskemmtilegt 4-4 jafntefli Grindavíkur og Keflavíkur í Grindavík í kvöld.
Sagði Sindri Kristinn Ólafsson markvörður Keflavíkur um leikinn eftir stórskemmtilegt 4-4 jafntefli Grindavíkur og Keflavíkur í Grindavík í kvöld.
Lestu um leikinn: Grindavík 4 - 4 Keflavík
Talsverð meiðsli herja á lið Keflavíkur en nokkrir lykilmenn léku ekki með liðinu í kvöld.
„Þetta eru stórir póstar sem vantar. Fyrirliðinn og varafyrirliðinn Frans og auðvitað Kian Williams. Þetta auðvitað telur allt. “
Sagði Sindri og bætti svo við. „Við vorum slakir í föstu leikatriðum og varnarlega og ég held að allir geti gert betur þó að þá hafi vantað.“
Grindavík komst í 4-2 eftir um hálftíma leik svo í ljósi þess hvernig leikurinn þróaðist eru Keflvíkingar ekki sáttir með stigið?
„Já sáttir og ekki sáttir. Við komum hingað til að sækja þrjú stig og ef við ætlum að fara upp um deild þá verðum við að vinna lið eins og Grindavík. Þeir eru seigir en við eigum að vera betri. “
Sagði Sindri en allt viðtalið má sjá hér að ofan.
Athugasemdir
