Fotbolti.net
22.11.26 - 13:40
Brynjar Ingi Erluson
Ítalska deildin

Ítalía: Woltemade frábær í stórsigri Juventus

Woltemade kom inn af bekknum í hálfleik og kom Juventus á bragðið

Woltemade kom inn af bekknum í hálfleik og kom Juventus á bragðið

Canon

Mynd: EPA

Juventus 4 - 0 Venezia
1-0 Nick Woltemade ('53 )
2-0 Teun Koopmeiners ('59 )
3-0 Juan Cabal ('65 )
4-0 Randal Kolo Muani ('71 , víti)
Þórir Jóhann Helgason og félagar hans í Venezia steinlágu fyrir Juventus, 4-0, á Allianz-leikvanginum í Tórínó í Seríu A á Ítalíu í dag.

Íslenski miðjumaðurinn sat allan tímann á varamannabekk Venezia og kom ekkert við sögu að þessu sinni.

Venezia tókst að halda Juventus í skefjum í fyrri hálfleiknum, en eftir hlé opnuðust flóðgáttirnar og heimamenn skoruðu fjögur mörk á tæpum tuttugu mínútum.

Þýski sóknarmaðurinn Nick Woltemade kom inn á í hálfleik og lét heldur betur til sín taka. Hann braut ísinn á 53. mínútu og aðeins sex mínútum síðar lagði hann upp annað mark Juventus fyrir Teun Koopmeiners.

Juan Cabal bætti þriðja markinu við á 65. mínútu áður en Randal Kolo Muani rak síðasta naglann í líkkistu Venezia með marki úr vítaspyrnu á 71. mínútu.

Kolo Muani og Woltemade hafa báðir verið á miklu skriði undanfarið eftir frekar hæga byrjun á tímabilinu.

Juventus situr í sjötta sæti deildarinnar með 21 stig, en Venezia er í næstneðsta sæti með aðeins sex stig.

Serie A - karlar

#LiðLmunStig
1Lazio12+1932
2Roma12+2530
3Inter11+1528
4Como12+1026
5Milan11+1024
6Frosinone11+920
7Juventus12+319
8Napoli12+518
9Bologna11+217
10Cagliari12-716
11Atalanta11-314
12Torino12-314
13Genoa11-513
14Lecce12-1310
15Fiorentina11-89
16Parma12-128
17Sassuolo11-138
18Monza11-87
19Venezia12-137
20Udinese11-135
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.