Það er rúmur klukkutími í að félagaskiptaglugginn loki á Englandi. Brighton var að fá ástralska miðjumanninn Aaron Mooy á láni frá Huddersfield út tímabilið.
Mooy er 28 ára og hefur síðustu tvær leiktíðir spilað 65 leiki með Huddersfield í ensku úrvalsdeildinni.
Hann leikur áfram í ensku úrvalsdeildinni, en með Brighton í þetta skiptið, á meðan Huddersfield berst í Championship-deildinni.
Áður en hann fór til Brighton skrifaði hann undir nýjan samning við Huddersfield til 2022.
Brighton mætir Watford á laugardag í 1. umferð ensku úrvalsdeildarinnar.
Smelltu hér til að sjá öll helstu tíðindin á gluggadeginum
Taktu þátt í umræðunni á Twitter með því að nota #fotboltinet
Athugasemdir
