Watford er búið að næla í kantmanninn Ismaila Sarr frá Rennes. Þetta var staðfest rétt í þessu.
Það var talað um það fyrr í dag að Watford væri að gefast upp á Sarr, en aðdragandinn hefur verið langur að þessum félagaskiptum. Watford hefur loksins náð að klófesta sinn mann.
Hann er dýrastur í sögu Watford. Talið er að hann kosti í kringum 30 milljónir punda. Andre Gray var áður dýrastur í sögu Watford, hann kostaði 18 milljónir punda.
Sarr er 22 ára gamall kantmaður sem á 26 landsleiki að baki fyrir Senegal og fjögur landsliðsmörk. Í fyrra skoraði hann 13 mörk í 50 leikjum í öllum keppnum fyrir Rennes.
Smelltu hér til að sjá öll helstu tíðindin á gluggadeginum
Taktu þátt í umræðunni á Twitter með því að nota #fotboltinet
Athugasemdir