Fotbolti.net
08.08.25 - 08:54
Elvar Geir Magnússon

Jón Daði gæti spilað sinn fyrsta leik í kvöld

Jón Daði gæti spilað sinn fyrsta leik í kvöld
Canon

Mynd: Fótbolti.net - Elvar Geir Magnússon

Lengjudeildin
Sóknarmaðurinn Jón Daði Böðvarsson er í leikmannahópi Selfyssinga fyrir leik kvöldsins gegn Njarðvík í Lengjudeildinni.

Jón Daði hefur ekkert spilað vegna meiðsla síðan hann kom heim en hefur getað æft í aðdraganda leiksins og er í hópnum.

Selfoss þarf svo sannarlega á hans kröftum að halda en liðið er tveimur stigum fyrir ofan fallsvæðið.
Jón Daði er 33 ára sóknarleikmaður sem gerði garðinn frægan með Íslandi á EM 2016. Hann er uppalinn Selfyssingur og hefur meðal annars leikið fyrir Wolves, Reading, Millwall og Bolton á ferlinum.

Hann var kynntur með pompi og prakt í miðbæ Selfoss í sumar en hefur hingað til ekki getað látið til sín taka á vellinum. Það er erfiður leikur framundan fyrir Selfyssinga enda Njarðvík í öðru sæti og stefnir á að hirða toppsæti deildarinnar af ÍR.

Jón Daði, sem er með yfir 100 leiki að baki fyrir Selfoss, lék 64 A-landsleiki fyrir Íslands hönd. Á samfélagsmiðlum Selfyssinga má sjá þessa mynd af honum frá æfingu:

Mynd: Selfoss


Lengjudeild karla - Leikir kvöldsins
18:00 Fylkir-Þór (tekk VÖLLURINN)
19:15 Grindavík-Leiknir R. (Stakkavíkurvöllur)
19:15 ÍR-Fjölnir (AutoCenter-völlurinn)
19:15 Njarðvík-Selfoss (JBÓ völlurinn)
19:15 HK-Keflavík (Kórinn)
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.