Ítalska félagið AC Milan rak í dag Marco Giampaolo úr starfi en þetta kemur fram í yfirlýsingu frá félaginu.
Giampaolo tók við Milan í sumar en árangurinn hefur verið afar slakur í byrjun leiktíðar.
Hann tók poka sinn í dag þrátt fyrir að hafa náð í 2-1 sigur gegn Genoa um helgina.
Margir þjálfarar hafa verið orðaðir við stöðuna en Luciano Spalletti var efstur á blaði. Sagt er að Milan hafi ekki náð samkomulagi við hann og Stefano Pioli er líklegastur til að taka við liðinu.
Milan er með 9 stig í 13. sæti ítölsku deildarinnar.
Sjá einnig:
Kalla eftir því að Pioli verði rekinn áður en hann hefur verið ráðinn
Athugasemdir