Sancho og Reus tæpir fyrir stórleikinn í Þýskalandi

Jadon Sancho og Marco Reus, leikmenn Borussia Dortmund, eru báðir tæpir fyrir stórslaginn gegn Bayern Munchen í þýska boltanum á morgun.

Reus var ekki með í 3-2 sigrinum á Inter í vikunni vegna meiðsla á ökkla en Sancho fann fyrir eymslum aftan í læri í þeim leik. Báðir leikmennirnir verða skoðaðir á æfingu í dag.

Reus og Sancho hafa samanlagt skorað átta af 23 mörkum Dortmund á tímabilinu en sá síðarnefndi hefur líka lagt upp fimm mörk.