Þrír Íslendingar í liði ársins í norsku B-deildinni

Um er að ræða Daníel Leó Grétarsson og Aron Elís Þrándarson leikmenn Álasund og Aron Sigurðarson kantmann Start.

Daníel Leó hefur verið öflugur í vörn Álasund og Aron Elís á miðjunni. Álasund hefur haft mikla yfirburði á tímabilinu og er búið að tryggja sér sigur í deildinni fyrir lokaumferðina á morgun.

Aron hefur skorað þrettán mörk og lagt upp önnur þrettán fyrir Start en hann er fimmti markahæsti leikmaðurinn í deildinni.

Start er í þriðja sæti deildarinnar og á leið í umspil um sæti í úrvalsdeildinni.