Fotbolti.net
08.12.16 - 14:53
Elvar Geir Magnússon

Dion Acoff til Vals (Staðfest)

Dion á Hlíðarenda.

Dion á Hlíðarenda.

Canon

Mynd: Fótbolti.net - Hafliði Breiðfjörð

Knattspyrnudeild Þróttar og Knattspyrnudeild Vals hafa komist að samkomulagi um félagaskipti Dion Acoff úr Þrótti og yfir í Val.
Dion sem er 25 ára kom til Þróttar fyrir keppnistímabilið 2015. Hann lék 45 leiki fyrir Þrótt í deild og bikar og skoraði í þeim 9 mörk.

Dion átti stóran þátt í að hjálpa Þrótti upp í Pepsi-deildina árið 2015 en hann var þá valinn í lið ársins í 1. deildinni.

Í sumar var Dion einnig mjög öflugur í Pepsi-deildinni en þessi eldsnöggi kantmaður var duglegur að valda usla í vörnum andstæðinganna.

Þróttarar féllu úr Pepsi-deildinni og var Dion eftirsóttur en Valur hafði betur í samkeppninni um þjónustu hans.

Valsmenn hafa hampað bikarmeistaratitlinum síðustu tvö tímabil en liðið hafnaði í fimmta sæti Pepsi-deildarinnar á liðnu sumri.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.