Það er sannkallaður stórleikur á Kópavogsvelli í kvöld þegar Breiðablik fær spænska stórveldið Real Madrid í heimsókn á Kópavogsvöll.
Leikurinn hefst klukkan 20:00 og er þetta næst síðasti leikur Blika í riðlakeppninni.
Breiðablik er í neðsta sæti riðilsins með eitt stig eftir fjóra leiki á meðan Real Madrid er í öðru sæti með sex stig. Stórveldið frá spænsku höfuðborginni getur tryggt sig áfram í næstu umferð með góðum úrslitum í kvöld.
Hægt verður að fylgjast með leiknum í beinni textalýsingu á Fótbolta.net. Það er um að gera að skella sér á völlinn enda ekki á hverjum degi þar sem Real Madrid kemur í heimsókn til Íslands. Hægt er að kaupa miða á Tix.is.
Leikir dagsins:
17:45 Zhytlobud-1 W - PSG W
17:45 Servette Chenois W - Wolfsburg
20:00 Chelsea W - Juventus W
20:00 Breidablik W - Real Madrid W
Athugasemdir