Hin 19 ára gamla Fanney Inga Birkisdóttir spilaði í kvöld sinn þriðja landsleik þegar Ísland tapaði 3-1 gegn Þýskalandi í undankeppni EM 2025. Hennar stærsti leikur á ferlinum til þessa.
„Þetta var rosaleg upplifun og frábært að fá að spila fyrir svona marga áhorfendur. Að mæta svona geggjuðu liði er frábær reynsla," sagði Fanney.
„Þetta var stærsti leikurinn til þessa en vonandi verður hann það ekki til eilífðar."
„Þetta var rosaleg upplifun og frábært að fá að spila fyrir svona marga áhorfendur. Að mæta svona geggjuðu liði er frábær reynsla," sagði Fanney.
„Þetta var stærsti leikurinn til þessa en vonandi verður hann það ekki til eilífðar."
Lestu um leikinn: Þýskaland 3 - 1 Ísland
„Þetta var mjög erfitt en mjög gaman líka."
Íslenska liðið lenti snemma undir í leiknum en átti þá í kjölfarið góðan kafla þar sem liðið hefði hæglega getað skorað þrjú mörk.
„Við vorum alveg með þær, en svo er leiðinlegt að Sveindís fer út af. Þá misstum við smá dampinn. Þær sem komu inn á stóðu sig líka frábærlega."
Það var umdeilt atvik undir lok fyrri hálfleiks þegar Þýskaland gerði sitt þriðja mark eftir hornspyrnu. Fanney greip boltann en dómarinn mat það sem svo að hann hefði verið farinn út af og dæmdi hornspyrnu. Úr hornspyrnunni kom svo þriðja markið á versta mögulega tíma.
„Ég er ekki viss um að boltinn hafi verið farinn út af," sagði Fanney og benti á að Þjóðverjar sem stórþjóð fái oft það sem þeir vilja. „Þetta er pirrandi og það er óþolandi að fá á sig mark rétt fyrir hálfleik og svekkjandi að það hafi verið upp úr svona vafaatriði."
Fanney segist spennt fyrir framhaldinu í þessari undankeppni. „Við erum í hörku möguleika. Við erum að fara að læra helling frá þessu verkefni og komum sterkari í það næsta."
Hægt er að sjá viðtalið í heild sinni hér að ofan.
Athugasemdir