Kudus gæti þurft aðgerð
Tottenham Hotspur hefur verið að glíma við ótrúleg meiðslavandræði síðustu tvö tímabil og er liðið afar óvænt í fallbaráttu í ensku úrvalsdeildinni þegar sjö umferðir eru eftir af deildartímabilinu.
Mohammed Kudus er einn af lykilmönnum liðsins sem hafa verið að glíma við erfið meiðsli á tímabilinu. Hann meiddist framan á læri í úrvalsdeildarleik gegn Sunderland í janúar og var byrjaður að æfa aftur með hópnum hjá Tottenham þegar meiðslin spruttu aftur upp.
Þetta er mikill skellur fyrir úrvalsdeildarfélagið og eru líkur á að Kudus þurfi að fara í aðgerð, sem þýðir að hann kemur líklegast ekki meira við sögu á tímabilinu.
Kudus kom með beinum hætti að 9 mörkum í 26 lelikjum í öllum keppnum eftir að Tottenham borgaði um 55 milljónir punda til að kaupa kantmanninn úr röðum West Ham í fyrrasumar.
Tottenham er með 30 stig eftir 31 umferð, aðeins einu stigi fyrir ofan West Ham sem situr í fallsæti.
Wilson Odobert, Dejan Kulusevski, James Maddison, Guglielmo Vicario, Yves Bissouma og Ben Davies eru einnig meiddir og verða því ekki með á útivelli gegn Sunderland á sunnudaginn.
Góðu fréttirnar eru þær að Rodrigo Bentancur, Mathys Tel og Pape Sarr eru að snúa aftur.
We can confirm that Mohammed Kudus has suffered a setback in his return from injury.
— Tottenham Hotspur (@SpursOfficial) April 9, 2026
The Ghana international forward suffered a significant quad injury during our Premier League fixture against Sunderland in January.
He had returned to team training during the past week,… pic.twitter.com/MSrHMcZds1
