Fotbolti.net
09.08.18 - 11:25
Elvar Geir Magnússon

Thibaut Courtois til Real Madrid (Staðfest)

Courtois ásamt Florentino Perez forseta Real Madrid.

Courtois ásamt Florentino Perez forseta Real Madrid.

Canon

Mynd: Getty Images

Real Madrid hefur tilkynnt að Thibaut Courtois sé orðinn leikmaður félagsins en markvörðurinn belgíski er keyptur frá Chelsea.

Courtois hefur verið orðaður við Real Madrid í nokkurn tíma og þegar hann fór að skrópa á æfingar hjá Chelsea var ljóst hver hans vilji væri. Skrópið borgaði sig og Courtois er nú formlega orðinn leikmaður Evrópumeistara Real Madrid.

Courtois er 26 ára og hefur verið hjá Chelsea síðan 2011 en áður var hann hjá Atletico Madrid. Fjölskylda hans er búsett í spænsku borginni og það er stór ástæða þess að hann vildi ólmur komast til Real.
Courtois skrifa undir sex ára samning við Real Madrid og þó ljóst sé að hann verði aðalmarkvörður hefur Keylor Navas sagt að hann hafi engan áhuga á að yfirgefa félagið.

Thibaut Courtois á 65 landsleiki fyrir Belgíu og vann bronsverðlaun með liðinu á HM í sumar. Þá hefur hann tvisvar orðið Englandsmeistari með Chelsea og einu sinni Spánarmeistari með Atletico Madrid svo eitthvað sé nefnt.

Á heimasíðu Chelsea fær Courtois góðan kveðjupistil þar sem honum er óskað alls hins besta. Ensku bikarmeistararnir hafa þegar fundið arftaka hans en Spánverjinn Kepa Arrizabalaga kom frá Athletic Bilbao í gær.

👋 #WelcomeCourtois
🖋 @thibautcourtois pic.twitter.com/NR8eP0IWLw

— Real Madrid C.F. 🇬🇧🇺🇸 (@realmadriden) August 9, 2018

Þrátt fyrir að Real Madrid hafi tryggt sér Courtois þá er Keylor Navas alls ekki tilbúinn að fara! Þá meinum við ALLS EKKI! #fotboltinet pic.twitter.com/lLWi04KO3V

— Fotbolti.net (@Fotboltinet) August 9, 2018
Courtois í leik með Belgum.

Courtois í leik með Belgum.

Canon

Mynd: Getty Images

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.