mið 09. september 2020 11:15
Fótbolti.net
Lið 13. umferðar: Breiðablik og Stjarnan í stórum hlutverkum
Shameeka Fishley
Shameeka Fishley
Mynd: Fótbolti.net - J.L.
Berglind Rós Ágústsdóttir
Berglind Rós Ágústsdóttir
Mynd: Fótbolti.net - Einar Ásgeirsson
13. umferðin í Pepsi Max-deild kvenna fór fram á sunnudaginn. Kristján Guðmundsson, þjálfari Stjörnunnar, er þjálfari umferðarinnar eftir öflugan 3-2 útisigur gegn Selfyssingum.

Shameeka Fishley var mögnuð á hægri kantinum hjá Stjörnunni gegn Selfossi og Betsy Hassett skoraði eitt mark auk þess að leggja upp annað.

Gunnhildur Yrsa Jónsdóttir var maður leiksins í sannfærandi 4-0 sigri Vals gegn ÍBV. Hallbera Guðný Gísladóttir lagði upp mark og átti góðan dag í vinstri bakverðinum.

Sonný Lára Þráinsdóttir lokaði markinu og Kristín Dís Árnadóttir var góð í vörninni í 4-0 sigri Breiðabliks á Þrótti. Alexandra Jóhannsdóttir skoraði tvö mörk og Sveindís Jane Jónsdóttir lagði upp tvö.

Berglind Rós Ágústsdóttir lagði upp tvö mörk og Stefanía Ragnarsdóttir átti góðan leik í bakverðinum í 4-2 sigri Fylkis á Þór/KA.

Phoenetia Browne var síðan allt í öllu í 4-2 sigri FH á KR í fallbaráttuslag en hún skoraði eitt mark og lagði upp tvö.
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner