mið 09. október 2019 13:30
Magnús Már Einarsson
Alexander-Arnold: Á Klopp allt að þakka
Mynd: Getty Images
Trent Alexander-Arnold, hægri bakvörður Liverpool, segist eiga Jurgen Klopp stjóra liðsins allt að þakka.

Alexander-Arnold spilaði sinn fyrsta leik með Liverpool undir stjórn Klopp í október árið 2016. Síðan þá hefur hann spilað 97 leiki og komist í enska landsliðið.

Aðspurður hvað hann eigi Klopp að þakka sagði Alexander-Arnold:
„Allt í rauninni. Maður veit ekki hvað hefði gerst án hans."

„Hann hefur gefið mér flest tækifæri og fleiri tækifæri en ég hefði getað óskað mér."

„Hann hefur sett mikið traust á mig persónulega og ég hef reynt að endurgjalda það."

Athugasemdir
banner