Fotbolti.net
09.11.17 - 13:44
Magnús Már Einarsson

Ejub áfram með Víking Ó. (Staðfest)

Ejub áfram með Víking Ó. (Staðfest)
Canon

Mynd: Fótbolti.net - Hafliði Breiðfjörð

Ejub Purisevic hefur skrifað undir nýjan tveggja ára samning við Víking Ólafsvík.

Óvissa hafði verið í kringum það hvort Ejub myndi halda áfram eftir fall Víkings Ólafsvíkur úr Pepsi-deildinni í haust. Nú er ljóst að Ejub heldur áfram með Ólafsvíkinga.
„Ejub hefur stýrt liði Víkings með eftirtektarverðum árangri um árabil og er það félaginu gleðiefni að hafa tryggt sér áframhaldandi þjónustu hans,\" segir í fréttatilkynningu frá Ólafsvíkingum.

Ejub hefur stýrt Ólafsvíkingum frá 2003 fyrir utan árið 2009 þegar hann var ekki við stjórnvölinn. Á þessum tíma hefur hann komið liðinu úr neðstu deild og farið upp í þá efstu.

Víkingar hafa misst öfluga leikmenn í haust og talsverðar breytingar verða á hópnum fyrir næsta tímabil. Þorsteinn Már Ragnarsson fór til Stjörnunnar og Kenan Turudija í Selfoss. Markvörðurinn Cristian Martinez er á förum eins og Alfreð Hjaltalín hefur hug á að leika í Pepsi-deildinni.

„Framundan er barátta í Inkasso deildinni næsta sumar og eru leikmannamál félagsins í góðri vinnslu. Frekari frétta af því má vænta fljótlega,\" segir í fréttatilkynningunni.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.