Fotbolti.net
10.01.17 - 09:46
Magnús Már Einarsson

HM verður 48 liða mót (Staðfest)

Þjóðverjar unnu HM 2014.

Þjóðverjar unnu HM 2014.

Canon

Mynd: Getty Images

48 þjóðir verða með í úrslitakeppni HM frá og með árinu 2026 en þetta var staðfest nú rétt í þessu. Kosið var um málið hjá FIFA í dag og tillagan samþykkt.

Frá því árið 1998 hafa 32 þjóðir tekið þátt á HM en nú verða gerðar róttækar breytingar á mótinu.

Liðum verður skipt niður í sextán riðla en þrjú lið verða í hverjum riðli.
Tvö lið fara áfram úr hverjum riðli en þá taka við 32-liða úrslit. Sigurvegarar mótsins spila því samtals sjö leiki á mótinu.

Mótið fer fram á 32 dögum en leikirnir verða samtals 80 eftir að hafa áður verið 64. Breytingarnar taka þó ekki gildi fyrr en 2026 en á HM í Rússlandi 2018 og í Katar 2022 verða 32 þátttökuþjóðir.

Evrópa fær fleiri sæti í mótinu eftir breytingarnar og um leið aukast möguleikar Íslands á að komast í úrslitakeppnina.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.