Fotbolti.net
10.03.19 - 23:00
Ívan Guðjón Baldursson

Frimpong leggur skóna á hilluna 27 ára (Staðfest)

Frimpong leggur skóna á hilluna 27 ára (Staðfest)
Canon

Mynd: Twitter

Miðjumaðurinn Emmanuel Frimpong hefur lagt skóna á hilluna aðeins 27 ára gamall vegna þrálátra hnémeiðsla.
Frimpong þótti afar efnilegur á sínum tíma, hann kom upp í gegnum uppeldisstarfið hjá Arsenal og var byrjaður að fá tækifæri með byrjunarliðinu þegar meiðslavandræðin fóru á fullt.

Eftir meiðslin var Frimpong lánaður í neðri deildir en náði aldrei góðum spilatíma neinsstaðar og var á endanum seldur til Rússlands.

Fyrir tveimur árum gekk Frimpong í raðir AFC Eskilstuna í Svíþjóð, spilaði tíu leiki og hélt svo til Kýpur þar sem hann gekk í raðir Ermis Aradippou. Í Kýpur fékk hann mikinn spilatíma en meiddist um haustið og hefur ekki spilað síðan.

Frimpong lék fyrir yngri landslið Englands en skipti svo yfir í Gana þar sem hann lék þó aðeins einn A-landsleik.



Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.